至尊滿屋日本料理 (已結業)

#至尊滿屋日本料理 (旺角)間唔中就會好想食日本野，想瘋狂食魚生同壽司，放題就啱晒我🥳，今次同朋友即興，行過旺角咁岩呢間唔洗等位，就食呢間🤓抱著帶望無中伏既心。好開心係完全無伏🤩🤩🤩刺身無腥味亦無雪味，夠冰凍🥶保持個新鮮度。海膽手卷，海膽無異味而且帶甘同微苦，都幾好食。燒物尤其出色，上到枱都仲係熱辣辣嘅，而且調味同火候方面啱啱好。 牛舌外圍焦香而且保持到肉汁👍。燒菠蘿香甜👍。燒海蝦大隻爽口帶鹽香👍。燒五花肉雖然好肥但好香同肉味突出👍。#創意卷物 舊芒果有啲酸不過味道配搭得幾好如果芒果係甜的話更佳。飲品方便喜出望外有好Hoegaardan Rosee枝裝，回本之選。最後仲會送每人一杯名牌雪糕。P.S 侍應服務態度友善，雖然2人位張枱比較細但佢地收碟都收得好快，所以好少出現冇位擺嘢食嘅情況。