富臨皇宮

星期六中午去到酒樓，見到現場淨係坐咗三份一客,門口嗰個接待態度麻麻，黑口黑面。去到枱嗰度嗰個叫侍應（佢d同事叫佢做阿清）開茶，個侍應都已經唔耐煩，直接將啲餐具同埋餐牌飛過嚟。

之後叫佢落單，佢詐睇唔到，我哋反而問我哋後面嗰枱客飲咩茶，我哋嗰張點心紙完全冇人收，嗰個阿清全程掂行掂過。我要行到去大半個場搵另外一個侍應收張點心紙，先叫落到單。而右手邊另一枱客人都話個侍應唔理佢。

俾錢買難受，佢生意唔好都唔係冇原因。
如果真係執笠，都唔怪得人。