雪菜肉絲+沙爹牛肉+煎蛋+出前一丁+熱飲 (如無記錯應該係$25)
叫啊姐落單, 落完張單唔係放檯面, 係一手飛張單落黎,
睇到我地眼都突埋, 好喇, D野食上檯喇,
沙爹牛肉有怪味, 好鞋, 食左一小片,其他掉哂, 蛋同雪菜肉絲正常,
出前一丁淋到爆, 淋到好似河粉咁, 朋友都有衝動叫佢換過碗, 有咩可能咁啊, 大佬!
食野過程, 個收銀啊姐不停同個男人客吹水, 勁大聲, 真係好煩,
可唔可以細聲D啊, 唔好迫人聽你地吹口得唔得?
我親眼見到個肥肥地既啊姐掂過張檯, 車仔,
之後再去搣D餐包
另外有個馬尾啊姐, 不停用手玩弄D乾淨既筷子同匙,
D筷子比佢當係鼓棒咁玩, D匙用手指玩黎玩去,
本黎好想同個收銀投, 但見佢吹水吹到咁開心, 費事入錢落佢袋!!
無下次!
講真我同佢無仇, 只係太睇唔過眼D啊姐咁做野!!!
寧比人知莫比人見啊!!
