居食屋「和民」 (已結業)

一家人上昂平，之前就醫肚，要排成20分鐘！其實入面有位，不過無人得閒執，所以好耐先入到！有時門口公關都入埋去幫手！坐低感覺已經覺得好唔夠人，場內已經不規則，好多死位，店員個個好忙，每次舉手都要等一輪先叫到人幫手！三大三小叫4個餐！食物好快到！滑蛋雞扒飯：蛋滑，雞肉都夠脆，但唔知點解黑晒！賣相唔得！本格盛岡拉麵：除了凍之外，麵係煙韌，但無主題，好似求其放啲嘢入碗，好亂糟糟！泡菜味太鹹！唔知點解配北寄貝！好奇怪！豚骨拉麵：一個字，難食！麵淋晒，無咬口，豬骨湯好味精！叉燒硬！天婦羅蕎麥麵：天婦羅炸粉太厚，又硬，蕎麥面斷晒，又濕，衰過自己煮！跟餐沙律：好明顯係所有沙律一早𢳂好，再一碗碗疊住，好醜樣，蔬菜好似擺了千年，又唔爽脆！餐飲：唯一正常嘅！跟餐雞肉飯：濕又淡，無味道！賣相同相片差天共地！基本上呢餐係中伏！無一樣得！