更多
2022-05-20
1436 浏览
.📍竺扶大班烧味📍#馒头去湾仔 #馒头的港味道------------------------------1️⃣ 古井烧鹅豉油鸡濑粉 ($58)馒头系一名港女小编，但其实我内心一直住著一个麻甩灵魂， 烧味呢啲咁具港式风味嘅嘢我一向来者不拒。呢度嘅烧鹅烧得唔错，外皮赤红光泽，薄如脆片，咬落非常之香脆，油香四溢😍， 夹带香甜肉汁同烟熏香味，而且皮下唔会有多余嘅肥膏，减低油腻感，鹅肉亦酥软唔干柴，比较遗憾嘅系佢今次畀嘅部位系鹅嘅胸位，肉嘅份量唔多😢；至于油鸡，唔知系咪为咗弥补番小编呢个食肉兽，佢就畀咗一个几靓嘅髀位，鸡皮色泽够深，唔会过肥，鸡肉肉质非常之嫩滑，配埋葱油同一碗濑粉，real满足😆~◾评分：7.7/10------------------------------2️⃣ 黯然销魂鸳鸯饭 ($68)呢碗饭真超级大碗，有叉烧、鸡扒同两只煎蛋。叉烧系用咗波兰黑毛猪，半肥瘦🙆🏻♀️且肉味浓郁，外层烧到有浓边，咬落发现肉质松散唔黐牙，麦芽糖味道明显，伴随少少焦香🤤，香甜而不腻，好食；至于冰烧凤凰鸡同样调味系甜味为主，但味道同肉质相对就普通咗啲，唔系嫩滑弹牙𠮶款，呢个我还好；煎蛋正正常常，半熟蛋黄浆用
📍竺扶大班烧味📍#馒头去湾仔 #馒头的港味道
------------------------------
1️⃣ 古井烧鹅豉油鸡濑粉 ($58)
馒头系一名港女小编，但其实我内心一直住著一个麻甩灵魂， 烧味呢啲咁具港式风味嘅嘢我一向来者不拒。
呢度嘅烧鹅烧得唔错，外皮赤红光泽，薄如脆片，咬落非常之香脆，油香四溢😍， 夹带香甜肉汁同烟熏香味，而且皮下唔会有多余嘅肥膏，减低油腻感，鹅肉亦酥软唔干柴，比较遗憾嘅系佢今次畀嘅部位系鹅嘅胸位，肉嘅份量唔多😢；至于油鸡，唔知系咪为咗弥补番小编呢个食肉兽，佢就畀咗一个几靓嘅髀位，鸡皮色泽够深，唔会过肥，鸡肉肉质非常之嫩滑，配埋葱油同一碗濑粉，real满足😆~
◾评分：7.7/10
古井烧鹅豉油鸡濑粉
$58
49 浏览
0 赞好
0 留言
------------------------------
2️⃣ 黯然销魂鸳鸯饭 ($68)
呢碗饭真超级大碗，有叉烧、鸡扒同两只煎蛋。叉烧系用咗波兰黑毛猪，半肥瘦🙆🏻♀️且肉味浓郁，外层烧到有浓边，咬落发现肉质松散唔黐牙，麦芽糖味道明显，伴随少少焦香🤤，香甜而不腻，好食；至于冰烧凤凰鸡同样调味系甜味为主，但味道同肉质相对就普通咗啲，唔系嫩滑弹牙𠮶款，呢个我还好；煎蛋正正常常，半熟蛋黄浆用嚟捞饭一流。
◾评分：7.3/10
暗然销魂鸳鸯饭
$68
44 浏览
0 赞好
0 留言
------------------------------
🔸整体评分：7.5/10
🔸小编回头率：6.5/10
张贴
