影片
更多
2016-06-02
1225 浏览
上次到访过Prost by King Ludwig之后，见隔离The Chop House颇有气氛，所以，搞手已约定话揾晚嚟一试，加上佢话铜锣湾店已做得有声有色，又有大集团背后支援，实在喺信心嘅保证，睇番铜锣湾店嘅食评，又确喺既吸引 。从门面开始，已感觉到一股工业风嘅型格，再配以柔和昏暗嘅灯光，地方够阔落，让人可悠闲用餐。侍应见小弟周围影，介绍我到后面露天位置一看，果然叫人豁然开朗，因为唔单止地方大，而且做到成个城市花园咁，坐晌度食饭感觉更休闲、更无拘无束 。 Cucumber Cooler $50 虽然喺初夏，但已感到热浪慢慢引伸嘅张力，所以，友人杯特饮份外清爽，以青瓜、罗勒叶、柠汁及雪碧组合而成，的确味道清新怡人，令人暑气尽消。 Chocolate Lover $65 奶昔类有3款选择，小弟较钟意以朱古力为重点嘅「朱古力爱人」，朋友话望见面层啲忌廉就怕怕，哈哈！不过，搅匀之后，奶昔嘅味道香浓就不在话下，而且，幼滑非常，再冻啲就一流嘞。点菜嘅责任就落晌友人身上，虽则如此，都八一八餐牌里有咩选择。睇开小弟食评嘅朋友都知，老实讲，肚内半点墨水都无，更无令人感动嘅词藻，但就
从门面开始，已感觉到一股工业风嘅型格，再配以柔和昏暗嘅灯光，地方够阔落，让人可悠闲用餐。
侍应见小弟周围影，介绍我到后面露天位置一看，果然叫人豁然开朗，因为唔单止地方大，而且做到成个城市花园咁，坐晌度食饭感觉更休闲、更无拘无束 。
Cucumber Cooler $50 虽然喺初夏，但已感到热浪慢慢引伸嘅张力，所以，友人杯特饮份外清爽，以青瓜、罗勒叶、柠汁及雪碧组合而成，的确味道清新怡人，令人暑气尽消。
Chocolate Lover $65 奶昔类有3款选择，小弟较钟意以朱古力为重点嘅「朱古力爱人」，朋友话望见面层啲忌廉就怕怕，哈哈！不过，搅匀之后，奶昔嘅味道香浓就不在话下，而且，幼滑非常，再冻啲就一流嘞。
点菜嘅责任就落晌友人身上，虽则如此，都八一八餐牌里有咩选择。睇开小弟食评嘅朋友都知，老实讲，肚内半点墨水都无，更无令人感动嘅词藻，但就资讯搭够，希望俾到睇食评嘅人有多啲参考 。
Chop Chop Salad with Grilled Prawns $138 一向都喜欢以沙律作头盘，开开胃之余，又够健康。Chop Chop Salad你可以睇为店家嘅田园沙律，可配虾，亦可配烤鸡（$128）或牛（$148），最得意喺除一般常见嘅沙律菜外，竟然加入西洋菜，效果又唔错㖞，仲伴有红菜头、红椒、白菌、羊奶芝士、牛油果……等等， 配蜜糖芥末酱，轻怡味美 。
Crispy Calamari $90 小食一向都喺香口嘢、唔健康嘅较受欢迎，哈哈，酥炸鱿鱼入口酥香软腍，唧点柠汁，沾点沙律酱，可能令你内心无咁罪恶，其实，间中放肆吓都问题不大嘅。
Slow Roasted Chicken & Smoked U.S. Baby Back Ribs $295 人少少想试多啲，依道主菜就啱喇，有烤鸡，又有猪肋骨。烤鸡先慢煮再烤香，所以，色泽金黄嘅外皮十分香脆，而鸡肉则保持到嫩滑，带少少香草味，唔错㖞；猪肋骨肉质松化味浓，个腌酱又惹味，怕腻嘅，附上嘅酸椰菜就大派用场，小弟觉得再酸少少都无妨㖞！
Garlic Prawns $180 属于「饭桶」嘅友人，依一道蒜片虾炒饭就合佢心意。个炒饭以蕃红花嚟炒，有点西班牙大镬饭嘅影子，饭粒分明而略带独特香气，加上蒜香，整体不俗，至于啲鲜虾，大只又弹牙。
The Chop House Baileys Cheesecake $65 虽然百利甜酒芝士饼唔喺甜品之中最贵嘅一款，但用得店名「The Chop House」冠名，必有其过人之处。卖相简洁，衬点点五颜六色嘅水果，好有夏日风情；饼底做得够薄，而芝士嘅味道既浓香，又带有酒甜，不过，大可放心，唔会有好重嘅酒味，再者，质感真喺做得好软滑，喺一道挺有水准嘅甜品 。
The Chop House Baileys Cheesecake
$65
60 浏览
3 赞好
0 留言
张贴
