新有記

营业中

休息中

為了找尋美食，可以去到幾盡？一大清早坐巴士到西貢市中心再轉乘另一巴士到黃石碼頭，然後再坐船到了塔門去搵嘢食，去到已過了中午！落船己急不及待看看食什麼，因為太肚餓，路經這間小食肆/士多，便入去坐下食點東西。海膽炒飯（$100）塔門出名吃海膽，所以我們也來一個海膽炒飯，飯底炒得乾身，飯粒分明，加入葱花、雞蛋和海膽，沒有其他材料，簡簡單單，但如果加多一些海膽就更鮮味。椒鹽鮮魷（$95）鮮魷新鮮彈牙帶點煙靭，脆漿很薄很脆，椒鹽的味道帶出魷魚的鮮味，熱辣辣、脆卜卜的魷魚點了喼汁更增添惹味。無冰涷奶茶（樽裝$30）講真$30一支奶茶都幾貴，但味道很香濃，入口幼滑，香港的地道奶茶都有番咁上下質素。自製咸檸茶（$15）這個咸檸茶相對就比較價錢合理，咸檸茶甜味適中，不會搶走咸檸獨有的味道，很生津解渴，夏日首選。涷薑汁豆腐花（$12）豆腐花可能雪涷關係，所以不夠滑，但作為飯後甜品，也不失為一個好的選擇。