一浩 (已結業)

今晚老公接我收工，好掛住一浩炸豬扒同蕨餅，返嚟食... 今日滯滯地唔想食飯，嗌左個炸豬扒烏冬，炸豬扒分開上，唔會擺埋落烏冬度，食到脆扑扑嘅炸豬扒，好正烏冬夠彈牙，唔會淋晒，份量好大碗，好抵食，夠晒飽肚，個湯好香好味塊豬扒好大塊，我食唔晒，足一塊大豬扒，好鍾意食黑毛豬，唔會太淋太肥膩，又好香！炸豬扒夠晒熱，好香，好脆，又大片，好抵食！甜品叫左蕨餅，好好味，唔知咩係蕨餅，我順口問下高高大大帶眼鏡嘅侍應，佢好有禮貌好詳細解釋俾我知，仲講埋蕨餅個日文名俾我知，好欣賞佢地員工對食物咁有知識，唔駛問下廚房就即刻答到我好鍾意喺度食飯，座位闊落，放工嚟鬆一鬆，兩公婆傾下計一流，唔會好似同隔嚟位傾計咁。