WIRED CAFE (已結業)

聽朋友講呢間餐廳既甜品唔錯，但中午冇理由淨食甜品，見set lunch包埋甜品，所以就決定試食set lunch。每星期有5款set lunch，每星期會轉換餐牌。我揀咗煙肉奄列班戟。奄列尚算香滑，蛋味濃厚，火喉控制得好好，唔會太熟太老，配以茄汁蔬菜，酸酸甜甜，幾夾，但D茄汁同蔬菜既份量實在太少了，唔知可以撈得邊樹。另班戟既蛋味未夠濃，配以香滑的cream cheese尚可彌補不足。反而甜品牛奶奶酪好香牛奶味，又幼滑又香濃，配以酸酸的水果切片，係今個午餐既亮點。順帶一提，呢度環境光猛，一邊食一邊同友人傾計，心情會十分放鬆。如想坐卡位，記得要預先訂位啊！