越南咖啡室 (已結業)

近年迷上酸辣，對越南風味的熱情也所增進，最近與朋友去了間越南餐廳食飯，為味覺帶來驚喜。抬頭有好多頂越南特色的竹笠和紙傘，而圓錐狀的帽子是用草和竹子編成，滿有視覺的享受。湯麵和撈麵，我會選擇後者，而來到越式餐館，當然都入鄉隨俗，來試試香茅雞中翼撈檬 ($48)自行添加魚露甜酸汁在檬粉上，內有碎花生及炸乾蔥蒜茸，有口感又特別。雞中翼炸得好香口，鮮嫩可口，又夠大隻。跟餐另加煎蝦餅和飲品只需 $59蝦餅煎得香口，兩面都有誘惑金黃色，調味適中，又夠彈牙，沾上酸甜醬就很好吃。朋友那碟越式炒貴刁鑊氣十足，炒得好惹味香口，拌勻蝦仁和豆腐絲，材料豐富，忍不住都吃了一碗。小炒添加芽菜和蒜粒，配搭起來都幾夾，手勢不錯。鮮蝦米紙卷 $56米紙卷特別的菜色, 內藏鮮蝦蘿蔔絲，入口鮮甜彈牙。放入口咬開後，濕潤的表層變得柔軟又帶黏性。鮮椰青肉紅豆冰 $30添加了椰子肉，有清新的椰青香味，紅豆份量佔半杯份量，多豆大杯，椰汁味濃，飲到一半會有點偏甜。