Haru Haru (已結業)

這間韓國餐廳開在路邊， 當中有一半枱放在後巷。 望落好有街頭食檔feel 所以嚟試一試 。2個人點了三個菜 半份辣醬炸雞， 海鮮煎餅同埋紫菜壽司 。免費三式泡菜 - 一般， 覺得唔夠辣 。清清地當涼菜都ok.辣醬炸雞 - 好好食 ！ 辣醬少少辣但好惹味 ！ 個皮雖然滿佈辣醬但依然脆卜卜 。 雞肉仲好滑，多汁 。食唔停口！！海鮮煎餅 - 煎得好香， 好有蛋味 。 老實講， 海鮮唔多突出 。 但個蛋餅真係好味 ！ 紫菜壽司 - 一般。 我始終都係唔太鐘意食酸瓜 。 炸雞真係好好味 ！ 坐在街邊食住炸雞飲啤酒好爽 ！ 同老婆2個人食$220埋單 。