蕃茄仔

平時食完午餐經過都見呢間野好多人係門口, 唔知等位定等外賣呢, 應該兩種都有喇。所以我決定要搵日的起心肝去試下。一LUNCH TIME就閃人, 12:05左右啦, 去到就有位唔洗等的。點了一客炭烤風味雞扒蕃茄湯麵堂食，呢間係要用手機自己落單的。蕃茄湯底好濃郁, 落足蕃茄煮出黎架湯頭好正呀, 炭烤風味雞扒又真係有炭燒味道, 好香、雞都嫩架。有機會就黎試下啦。