炑八韓烤 (歐亞銀行大廈)

轉季呢啲天氣寒寒地就想食下韓燒 最鍾意食爐邊果啲泡菜蛋同埋芝士粟米🌽 添左幾次😋
今次揀咗間喺太子既呢間炑八見到有個豬扒Wee嘩聖誕🎄🎅🏻夜套餐

蔥蒜牛五花 蔥蒜提升左牛本身嘅香味 夠柔嫩
和牛肩肉 就咁睇啲雪花分布 油脂比例平均 唔使講都知好味啦 煎到半熟軟林林 一流👍🏻
醬油豬 大大塊醃得入味 肉質鮮嫩 香濃🐷肉味食落唔似一般豬咁
紅蝦🦐 新鮮鮮甜 夠爽口彈牙 我至愛😍

傳統韓國豬手 上枱即食 暖暖地肉質鮮嫩 用生菜同青瓜包埋一齊食 又唔會太肥

柚子檸檬梳打 兩杯蘇打都凍冰冰酸酸甜甜又夠解渴

菠蘿梳打 菠蘿甜甜地 清新怡人 好醒神😂