蒲頭島 (已結業)

香港嘅打邊爐放題越開越多，而且款式亦都越來越多，好多已經可以一次過滿足幾個願望。估唔到今次嚟咗呢間新開嘅火鍋店，真係有別於同一棟大廈裏面嘅火鍋店，雖然價錢差唔多，但係食嘅嘢定係環境都比樓上樓下正好多！首先入到去未揀湯底之前，已經有幾支飲品送上，原來係每人有一杯免費煙霧welcome drink ，裏面有調配師處理飲品，除咗顏色有特色之外原來味道都非常特別。請返來的都係年青人，有別於其他餐廳，感覺有年輕有活力，做嘢都爽手啲。湯底好多選擇，有得雙拼或者升級，不過我哋就想簡單啲選擇咗蟹肉冬瓜鍋。唔同時間嘅價錢都唔同，如果想抵食嘅話就可以早啲嚟或者夜D！有一部份嘅食物包括丸子、生菜等等好多都可以喺出面自取櫃；另外一部份肉類食物就好似平時中小學答題咁樣寫返個分量啦。正到爆，隔離仲有個叉電!!通常呢啲價錢大家都覺得係食cheap野，但係今次真係超級驚喜，通常食火鍋第一時間都係睇牛肉，叫個牛拼盤有幾樣唔同嘅部位，一睇就知龍與鳳，顏色係鮮紅色，肉質新鮮而且部位亦不會過多脂肪。唔係間間都有得食鴕鳥肉，佢質感有啲似牛肉，而且加左啲調味更加香。個人特別推介：田雞，豬膶，雞子三樣嘢都係超級好味，田雞+豬潤夠晒