一鍋堂 (大鴻輝(荃灣)中心) (已搬遷) 新店位置

見最近凍咗想打邊爐，我即刻就諗到一鍋堂！因為上次食真係好好食又唔係貴款式又多👍🏻同上次一樣，一出電梯就見到一班人係度排隊，好彩我哋一早book咗位，係櫃檯登記完就入得。今次我地就叫咗個胡椒豬肚湯，個湯好足料，除咗有好多豬肚仲好多酸菜！酸中帶微辣好正。值得一提，呢度用qr code落單，上菜快又唔漏單真心抵讚。未開始打邊爐就點豬耳同秋葵食住先，豬耳小辣開胃，秋葵爽口，呢2個作為前錯都幾好。打邊爐嘅食物都非常之多款，肉類我地叫咗封木柳同羊肉片，相對下羊肉片比輕好食，不會太肥而且有so味👍🏻獅子狗、鴨血、貢丸呢呢就正正常常，特別推介係潮州牛丸，爽口彈牙，口感一流食完一份又一份。海鮮就試咗推介嘅沙白蜆，味道都幾清甜又係食咗幾碟。飲品除咗一般有嘅野飲，介有4款自家制嘅野飲。食完野仲有雪糕食，簡直就係平靚正之選。