御前牛盛日式涮涮鍋 (已結業)

女朋友同我都一樣咁大食,為左滿足我同佢既胃口,見到御前牛盛有任食火鍋又多選湯底齊選擇,於是黎到依度醫肚!店舖雖然細小,坐位都舒舒服服,每個梳化位私隱度充足,好適合一對情侶黎依度打邊爐!湯底多達12款選擇,而且兩個人同時唔想剩係試一種湯底,不仿+$18就可以鴛鴦(兩種)湯底!我同女朋友揀左韓國人參湯底同黑松露豆乳湯!黑松露豆乳湯湯底剩係聞都聞到好濃郁既黑松露既香味,加上用豆乳製成湯變得又香又滑 ;韓國人參雞湯,見單張寫上用唔同名貴材料同BB雞煮成,湯味甘香,打邊爐同時又可以補補身體,的確係唔錯既選擇!如果剩係打邊爐,感覺唔夠喉,每位+30就可以任食刺身,剌身有14款選擇,特別推介有頭甜蝦同珍寶帶子刺身,剩係食依二款刺身都可以食夠回本!前菜,丸類火鍋配料,汽水都係自動形式,所以要自己去拎黎到打邊爐當然唔少得係牛,特別揀左美國進口牛肉片！睇賣相牛既色澤相當唔錯,證明新鮮又夠份量,肉味又濃厚鮮嫩其他配料繫多,有海鮮,蔬菜,肉類選擇,比較特別既有海參,咬入口爽口又唔腥,推介👍🏻但有限時間為2小時,大家可以每樣叫少少就可以試到唔同既配料食飽飽之後仲有雪糕雪條食,又多選擇,想食幾多就幾多,讚總結黎講