叁不館

营业中

休息中

环境5分：怀旧香港装饰，怀旧音乐由八十年代听到现代，实有首你识唱。枱櫈有大排档feel格局，可以畀五分。卫生5分：枱面有煮食餐具同纸巾圈，有很多种调味料任君选择，有几种仲要系自家制，非常有心思，干净企理畀五分。服务5分：侍应生非常后生，爽手唔啰唆，落单上菜加汤全部都好快，态度好好畀满分。味道5分：1)   菜干鸡脚汤非常足料，除咗菜干同鸡脚之外，有红萝卜，虫草花，粟米，饮落非常鲜甜，鸡脚好淋，红萝卜要煮多阵先得。2) 牛魔王拼盘有六种，牛胸尖好爽脆；牛脷托爽弹；鲜牛肉粒依个要煮耐一阵，唔系中间唔够热；手切封门柳师傅起双飞，切功一流，食落好有牛味；顶级安格斯牛颈脊最嫩滑；极级手切本地肥牛好松身。3) 苏兰蛏子分半钟搞掂，非常新鲜弹牙。4) 日本扇贝就要耐少少，两分半，一雌一雄，肥大又鲜滑。5) 皇帝菜新鲜爽嫩。6) 海带结结起黎食好得意，仲有芽菜仔垫底。7)  萝卜片煮到最尾够淋仲入哂味。抵食5分：六百零蚊可以食哂六款牛肉，又有两款海鲜，加埋啤酒蔬菜，有靓鸡脚汤底，饱肚满足，抵食一定满分。