蚊蚊豬老火鍋

好耐冇打過邊爐啦，今次係我第二次嚟食。今次依舊每枱都會送一個日式刺身小食冷盤俾客人，入面有三文魚、八爪魚同甜蝦等等，味度仲好鮮甜，作為前菜真係一流。岀面有個自助式火鍋配料冷櫃任拎，有飲品、基本嘅雜錦丸、麵類同菜等等。呢度可以用QR code order 更多野食，今次我就order咗炸饅頭、安格斯肥牛，海鮮、黃喉同鯇魚，材料都非常新鮮。今次仲試咗佢哋新推岀嘅麻辣烤魚，份量十足仲好惹味，所以之後個邊爐湯底就揀咗皮蛋芫荽清清味蕾。最後當然要食番少少甜野啦，佢哋提供嘅雪糕都係香港製造嘅，今餐真係食得好滿足呀！