$138 +10% 呢個價錢其實都算吸引，不過要八點半先開始，對於較早食飯嘅人可能就會太夜了
但對於我呢啲夜鬼就 very good 喇！
開頭都會諗稻香一向火鍋都唔平，做放題會唔會得好少選擇呢？但原來我諗多咗！淨係湯底都有六款，七個人或以上可以揀兩鍋！第一次去就試吓高鈣豬骨鍋先
每人可以加一蚊食鮑魚，我梗係唔放過啦
最欣賞係有海蝦任食，夠大隻而且出手又唔會太孤寒 (我指長沙灣呢間，其他唔知)！除咗蝦，花膠同生蠔都值得一試！肥牛亦都OK！
P.S. 有汽水同韓式飲品任飲，不過冇包啤酒！只係有虎啤特價，$13.8 一樽
