👉🏼澳洲純和牛套餐 - 我哋揀咗呢個可以任食120分鐘嘅套餐，裡面包含咗澳洲純和牛同特級牛舌。澳洲純和牛嘅口感唔使多講，簡直係一流，脂肪分佈得好均勻，入口即化嘅口感令人覺得每一口都係一種享受💕
服務員貼心話俾我哋聽特級牛舌只需要燙8-12秒，呢個時候嘅肉質非常細膩同埋充滿肉汁，咬落去嘅時候仲非常彈牙👍🏻
店家仲有供應好多特別嘅小食，我就點咗蘭花豆卜同豚肉京蔥，我同男朋友都食到停唔到口😋
呢間店唔同於平時我哋食嘅火鍋，佢係一人一鍋，都幾衛生。我自己嘅鍋底就叫咗QQ骨膠原，呢個鍋底帶有濃濃嘅豬骨香氣，唔難猜到店家用咗豬骨長時間熬製而成👍🏻 再加埋幾顆紅棗，好養生喎~
男朋友就揀咗紅燒火牛嚟做鍋底，牛肉經過長時間嘅熬煮已經充分吸收咗醬汁嘅味道，燉得非常軟爛！同埋嘅湯底嘅味道好鮮甜，刷牛肉真係絕配！
