更多
2020-03-11
1217 浏览
呢间本来系火锅店黎，上网见到佢而家有埋小菜，串烧呢啲，吸引左我同朋友去食～我同朋友6点就上到去，一入到去就见到有缸养住啲龙虾。呢啲始终都系自己铺头养住先做到新鲜呢！menu上面除左有火锅既食品之外，仲有精选晚餐，串烧set同埋小菜添。精选晚餐好似太heavy，所以我地叫左个串烧set加两款小菜share，仲加左两只蛏子。先黎冲绳生啤，好易入口好清新，泡沫都好细滑～带少少苦味，但唔会会令本身麻麻地啤酒既我觉得抗拒。蛏子好甜，都几大只。串烧set入面有蚝，虾，芝士狮子狗，牛舌，牛柳，同埋烧粟米。蚝都ok大只，加左蒜蓉烧，蚝既肉好嫩滑。虾都几新鲜，唔错。第一次食芝士狮子狗，原来都几好食，而且芝士都好香。牛舌唔韧，仲几淋，不过唔系舌芯最弹牙既地方。牛柳反而普通啲，不太特别。粟米唔会烧到好干。血池水煮鱼片都颇辣，不过唔食得好辣既朋友都话算易入口既。鱼片用左脆肉鲩，煮完都仲keep到脆身。入面仲有青瓜同金菇，我个人私心希望佢加多啲金菇落去呢。最后有个清炒椰菜，椰菜炒得几甜，仲有啲菇系入面，几清新。总括黎讲，呢到既小菜都唔太油，炒菜唔油，甚至水煮鱼都唔会油，几健康。串烧方面质素都ok，so far食
我同朋友6点就上到去，一入到去就见到有缸养住啲龙虾。呢啲始终都系自己铺头养住先做到新鲜呢！
menu上面除左有火锅既食品之外，仲有精选晚餐，串烧set同埋小菜添。精选晚餐好似太heavy，所以我地叫左个串烧set加两款小菜share，仲加左两只蛏子。
先黎冲绳生啤，好易入口好清新，泡沫都好细滑～带少少苦味，但唔会会令本身麻麻地啤酒既我觉得抗拒。
蛏子好甜，都几大只。
串烧set入面有蚝，虾，芝士狮子狗，牛舌，牛柳，同埋烧粟米。蚝都ok大只，加左蒜蓉烧，蚝既肉好嫩滑。虾都几新鲜，唔错。第一次食芝士狮子狗，原来都几好食，而且芝士都好香。牛舌唔韧，仲几淋，不过唔系舌芯最弹牙既地方。牛柳反而普通啲，不太特别。粟米唔会烧到好干。
血池水煮鱼片都颇辣，不过唔食得好辣既朋友都话算易入口既。鱼片用左脆肉鲩，煮完都仲keep到脆身。入面仲有青瓜同金菇，我个人私心希望佢加多啲金菇落去呢。
最后有个清炒椰菜，椰菜炒得几甜，仲有啲菇系入面，几清新。
总括黎讲，呢到既小菜都唔太油，炒菜唔油，甚至水煮鱼都唔会油，几健康。串烧方面质素都ok，so far食到蚝，蛏子同虾都新鲜。
张贴
