火鍋頭

11月秋風起又係迎接開始瘋狂打邊爐既季節，港女今日黎到九龍城呢間幾出名既火鍋頭。附近有勁多糖水鋪，邊爐完仲可以立馬去填飽第二個胃 雖然今晚得兩個人食，但因為港女同另一位朋友都餓鬼左成日，所以一如概往，都係犯下左眼寬肚窄呢個錯誤，最後叫既野差唔多有4個人既份量😅但係最後都成功完成大部份因為呢間餐廳既用料都好新鮮，個湯底都勁開胃！

今日湯底叫左個花雕醉雞鍋，非常之入味，淡淡肉都有花雕酒既味！

牛頸脊勁爽口，煮五秒鍾就食得，岩晒無乜耐性既我

打邊爐又點少得響鈴～ 即叫即炸，口感十足

終於食到又厚又有肉既蟹柳

海鮮當然係另一個不可缺少既環節，聖子極新鮮極甜

脆皮牛坑腩，勁特別， 咬落都係啖啖肉，正，略厭厚粉左少少

其實都仲有好多其他野想試，可惜都係得兩個人叫唔到太多，唯有下次叫多幾個朋友一齊拆過！