好滾得 (已結業)

上星期同老朋友庆祝生日，约咗嚟铜锣湾食饭，研究咗半个钟,朋友终于揸主意话想试下呢间火锅店的蟹煲。环境方面感觉良好，餐厅十分阔落，中式设计加上暗暗地，颇有格调。我地安排到一个卡位亦十分干净，坐得相当舒服。先点咗几碟小配菜，虽然没有特别惊喜，但食材十分新鲜。然后系一壶花茶，每人分到一杯，味道酸酸甜甜，我地都非常喜欢!酱料选择不少，但大多偏辣，算正正常常啦。主角蟹煲系一个十分大锅的汤底，散发著蟹味味，另有一只大碟放满非常新鲜的蟹。蟹十分常见，但蟹煲其实我比较少食，见到亦未必会点，但煮熟后蟹件出乎意料地嫩滑，大家都一件一件争住食。不得不提，汤底非常好味，千万唔好错过!我地共点咗5-6个配料，全部都十分新鲜。本地手切肥牛颈脊虽然贵D，但实在好味，budget许可的话可以一试!招牌四宝丸口感出色，味道就未觉得特别。最后想推荐的系招牌四宝丸，味道似狮子头，但配上蟹煲汤伍有特别的香味，我非常喜欢!埋单4位超过$700，但食得舒服，享受，亦十分适合朋友倾计聚旧，会推荐俾其他朋友!