壹火鍋

营业中

休息中

難得出開旺角，就梗係要同朋友食好野啦！兆萬格仔舖我就行得多，但食野都係第一次。估唔到樓上有間火鍋店， 仲可以叫埋刺身食。我就每樣叫咗啲，因為我真系好想食三文魚所以之後再叫多咗啲。至於個火鍋湯底我地揀咗『中日鴛鴦』裡面既「沙爹湯底」同埋「骨膠豚骨湯」至於啲火鍋料，真係幾多揀吓。個人認為最特別就係個墨汁墨魚丸！第一次見到啲咁黑meng meng既丸 同埋佢地個味好得意。彈彈牙但有食到一種平時食唔到既味，我估就係墨汁味 xd另外就係佢啲魷魚真係好新鮮，唔小心滾耐咗都仲係彈牙，嚇親我 仲有其他野食，例如魚皮餃，鮮蝦雲吞，牛肉，豬肉，菜類等，都好吸引！任飲任食就正啦！係呢度你鍾意點咩醬都得，因為佢特登劃咗個位出嚟擺曬唔同醬料比我地自己溝醬。最後，梗係一定要提佢既雪糕同埋有一粒粒既雪米糍。好耐無見過一粒粒細細地咁得意，我即刻食咗三四粒先埋單。