真味鮮廚 (已結業)

一行三人由6:45慢慢食到9:45，足足3小時，叫咗$288位既肉蟹餐。先會上1個沙嗲辣雞煲，味道幾好食（本人唔食到辣）就覺得好辣但都有食，小朋友可能食唔到。食緊雞煲時就上咗三人份量既魚生（5款，鮑魚，三文魚，吞拿魚，甜蝦，帶子，每款1件），食完雞煲就上湯底。叫了胡椒排骨湯底，跟上三人份量既海鮮盆，有肉蟹（新鮮實用），青口，帶子（全冰😑），蝦6隻（爽），龍躉件（滑），鱔片（好食），聖子，有碟安格斯牛肉片，超大粒水餃（好大隻蝦好食）。另再要用手機掃描叫火鍋料，可選擇肥牛片，豬肉片，少量丸類，菜，菇類，炸魚皮（好食），不過值得一題用手機點選火鍋食材，要等超耐超耐先送到，不停追問都未到，而且款式送來嘅時候亦都有好多野係執漏咗或錯咗，飲品款式還可以不算太多，甜品係糯米糍不過見到放埋飲品一齊有點唔衛生，所以冇攞到，另外餐廳裏邊所有侍應包括傳菜姐姐都超有禮貌。