八幡屋涮涮鍋 (已結業)

原來對上一次食放題係上年既事，今年實在太忙，又忙於減肥，咁耐無食過放題係好有新鮮感，未試過八幡屋，是日式料理餐廳，有火鍋之外仲有大量海鮮，呢度全層都係，有好大既空間，好多位，店員即時帶位，睇到有好幾個餐，我地擇C3既澳洲M5和牛，再配上沙嗲湯，沙嗲湯底夠濃郁～刺身拼盤(*≧ω≦)😉係呢度仲有得食埋刺身，有蝦、三文魚、吞拿魚、帶子、八爪魚等等，夠晒新鮮又冰凍，下層仲放滿晒冰，佢既保鮮功夫做得好足。澳洲M5和牛 (*≧ω≦)😉係度講返和牛，和牛中既質素可以話中上級別，佢既和牛好柔滑，明顯有好濃烈既牛肉味。黑豚肉 (*≧ω≦)😉除左和牛之外，佢既黑豚肉都唔差，肥瘦都好平均，食起上來仲有豚肉香，好有口感，好滿足。飲品 (*≧ω≦)😉放題餐食咗好多野，一人都飲兩罐飲品，果汁好飲又開胃。