小曼谷泰國美食站

营业中

休息中

小曼谷開左幾間分店，銅鑼灣呢間比較特別，係會用火車做主題，最令人注目既就店門既大火車，令我諗起泰國既火車夜市。我地7點去到仲未算多人，但去到8點已經滿座。冬蔭雞湯 $108多數食冬蔭公湯會配虎蝦，今次我地試下冬蔭雞湯，味道一樣酸酸辣辣，雞肉吸收湯既味道，而且有好多蕃茄同菇，夏天食好開胃。雞、牛、豬、雞腎串燒 $24/串串燒都幾大串，而雞腎好值得推介，咬落好爽口仲唔靭，佢既沙嗲醬調較得好香，加埋花生碎，食落多左顆粒感，相當唔錯。豬肉碎生菜包 $93生菜豬肉包夏天食夠清新，叫左少辣，但朋友唔太得辣都話可以再辣d，加埋洋蔥芫茜既香料，加埋爆炒過既肉碎好惹味。椰汁西米糕拼泰式千層糕 $49賣相唔錯，千層糕原來係熱食，咬落糯糯既口感，仲好香班蘭葉味，連埋椰汁糕都成6件，抵食之選。