胡爐 (已結業)

近排比我發現了一間唔錯嘅火鍋店，呢個天氣食火鍋？現在沒有特定日子，最緊要係想食！本身高裡都係有好多選擇，但朋友見到佢就想起它的其他分店，佢嘅火鍋本身就已經係一個精緻主菜，有養生款式，又有特色組合，今晚就點了哩個火焰龍蝦海鮮鍋，這個是店員推介，用上了新鮮龍蝦配上濃郁龍蝦湯底加埋其他海鮮而組成！落單後等了一陣，店員就將已斬件嘅鮮龍蝦件加埋其他海鮮配料放在鍋內，而另一個特別嘅地方係會在客人面前加酒點火先炒一下食材，這個絕對係打卡位置，當然我都好努力拍返張火焰龍蝦相😊！當火焰差不多完了時店員就再將一樽鮮龍蝦湯底到進鍋內，店員溫馨提示，可以先待湯底滾熱後先飲頭啖湯及品嘗新鮮龍蝦肉！同時間我們落單的火鍋料亦都上枱，有最愛嘅手工雲吞、手打墨魚丸，還有個手切安格斯肥牛，同埋個推介嘅自家製黃金魚皮，上面沾滿了咸蛋黃醬之餘魚皮炸得十分香脆，一上枱就要即食用！，接住就係雲吞，同手打墨魚丸，放在湯內滾一會，前者皮薄嘅雲吞內有爽口彈牙嘅鮮蝦肉，十分入味；後者十分有口感，煙韌彈牙，裡面還有墨魚肉粒，雙重口味！而份手切安格斯肥牛，脂肪紋理清晰分明，入口嫩滑軟熟，配埋個湯又真係十分之配合！最後加埋個烏冬吸收埋今晚嘅精