裝修係好傳統既日式拉麵店,即係一排座位,望住廚房個款。我同細佬6點前入座唔洗等位,餐廳播放日本動漫歌曲,岩聽得黎坐得都算舒服。
我叫左豚骨湯拉麵+餃子,細佬就叫左雞白湯拉麵+辣味蛤肉。
豚骨湯拉麵既湯底濃郁得黎唔會太咸,麵身軟硬適中,都可以掛湯。叉燒係另上而且有炙燒過,非常香口,溏心蛋亦都好好味。我有試左細佬個碗既湯,雞白湯既味道多左雞既鮮甜味,限量供應確實係唔同啲。小食方面,餃子都煎得幾香脆,辣味蛤肉好惹味,配合埋啤酒真係無得彈。
整體黎講,拉麵同小食都好味,不過對我黎講未到驚豔既程度。下次黎再試蝦味噌拉麵,網上見評價都好好。
豚骨湯拉麵套餐(包玉子+餃子) $110
雞白湯拉麵套餐(包玉子+辣味蛤肉) $125
