手臂吧 (已搬遷) 新店位置

除咗灣仔冰室以外, 呢間手臂吧都係灣仔飯堂之一大食妹三不五時都會過嚟食晏, 有緣嘅話大家食飯嘅時候仲可能會見到大食妹添呢間手臂吧其實係一間酒吧, 但日頭會搖身一變, 變成一間餐廳以前手臂吧嘅野食選項非常之多, 但疫情過後只係剩返set lunch好在每一日嘅款式都唔同, 都算有啲新意<蒜蓉雞扒+腸仔配沙律>大食妹好鍾意過嚟食港式西餐, 今日嚟就嗌咗份蒜蓉雞扒加腸仔配沙律原本套餐係跟飯嘅, 但大食妹真係好鍾意食薯仔沙律, 於是就加多十蚊轉配蒜蓉雞扒雖然蒜蓉味唔係特別重, 但雞扒煎得脆得黎又唔油, 腸仔都一樣係大食妹鍾意嘅窿窿地跟埋薯仔沙律就滿足到大食妹呢啲淨係鍾意食餸嘅朋友啦<芝士焗白酒海鮮青口意粉>同行嘅同事就嗌咗份芝士焗白酒海鮮青口意粉雖然個樣睇落去有少少頹, 但同事話裏面都幾多海鮮, 比想像中好