Wingman (船街) (已結業)

已經好耐無食過雞翼，仲記得上次食都係屋企人整嘅豉油雞翼。呢次女朋友帶我嚟，真係無諗過雞翼有成15種口味。我地叫咗泰式甜辣醬雞翼同埋巴拿馬芝士蒜蓉味雞翼。另外仲叫咗個黑松露薯條。先講咗泰式雞翼先，師傅用心製作，雞翼一啲燒燶咗嘅位都無，食落甜甜地同辣辣地，非常惹味，做到真正泰國本土嘅味道。之前去泰國食當地菜，都經想有種甜辣兩者互融互補嘅感覺，估唔到係香港都會在wingman 重現。辣嘅感覺由脷尖傳送，再帶到成條辣脷嘅，簡直喺食辣愛好者的天堂。另外，仲叫咗蒜蓉味嘅雞翼，雞翼外皮炸到脆卜卜，但食落唔会太厚粉。雞翼加入咗調味醃勻，惹味的蒜蓉既不會搶走雞翼香，一陣陣的蒜香味更是撲鼻。雞翼入口嫩而不膩，滿滿的蒜香，啖啖的蒜蓉，值得一試。