尚青商號 (已搬遷) 新店位置

尚青商號開業已幾個月，今日先有機會到餐廳一試。餐廳有兩層，下層主打外賣，更多嘅樓面係擺放唔少六七十年代嘅台灣物品同裝飾，滿滿嘅古早味。平日午巿餐廳甚多食客，今日需時半個鐘先有位。即使天氣開始轉熱，食客等位期間可聽住台灣流行音樂企喺下層嘅梯間，唔算太辛苦。入座時侍應亦會問係咪落得單，縮短食客等待時間。今次叫左牛三寶飯同檸檬柚子氣泡。套餐奉上兩樣是日配菜。今次係醃青瓜同蘿蔔，兩個都酸酸甜甜，頗為開胃。牛三寶牛味十足，送飯一流。撇除等位時間較長，尚青商號實在值得一試。