影片
更多
2018-06-07
95 浏览
每次一提到去灣仔搵食，都會聯想到一個「貴」字；皆因近年灣仔租金不斷飈升，就算平食都變咗貴食。幸好最近友人介紹咗這間新開的潮州菜館「潮膳」俾我，據說店裡嘅菜式不但價錢公道，而且大部份食材都是大廚喺潮州當地搜羅，每天新鮮運到香港，絕對值得一試。餐廳位於灣仔軒尼詩道 338 號北海中心地下，門口的玻璃櫥窗掛了數隻滷水鵝，賣相亮澤肥美，非常吸引。拉開趟門而入，店內地方不大，屬街坊小館格局，不過整體感覺唔算擠逼，而且椅桌擺放得整齊企理，配上一室淺木色的裝潢，簡潔舒服。先研究一下餐牌，散點項目唔算多，有潮州滷水、招牌滷水鵝、潮州糉、地道潮州粥、精美小菜、特色潮州粉麵、廚師推介粿類及甜品等。不過，如果唔想動腦筋嘅話，店子亦另備有三款二至四套餐可供食客選擇。其實剛進門時已被門口掛著的大大隻滷水鵝吸引著，所以決定先點客滷水鵝片 ($128/例)，然後再邊吃邊揀。先試一塊鵝肉，肉質嫩滑、有嚼頭，滷水味甘香醇厚，絕不搶喉，尤其欣賞師傅片鵝的刀功，能夠做到皮細肉嫩的效果。鵝片下面墊有大豆芽和手掌般大的滷水豆腐，豆腐口感紮實，豆香十足。接著來一客潮州蠔仔烙 ($78)，平日上潮州菜館食嘅蠔餅，大多數都係炸出嚟，
餐廳位於灣仔軒尼詩道 338 號北海中心地下，門口的玻璃櫥窗掛了數隻滷水鵝，賣相亮澤肥美，非常吸引。拉開趟門而入，店內地方不大，屬街坊小館格局，不過整體感覺唔算擠逼，而且椅桌擺放得整齊企理，配上一室淺木色的裝潢，簡潔舒服。
先研究一下餐牌，散點項目唔算多，有潮州滷水、招牌滷水鵝、潮州糉、地道潮州粥、精美小菜、特色潮州粉麵、廚師推介粿類及甜品等。不過，如果唔想動腦筋嘅話，店子亦另備有三款二至四套餐可供食客選擇。
其實剛進門時已被門口掛著的大大隻滷水鵝吸引著，所以決定先點客滷水鵝片 ($128/例)，然後再邊吃邊揀。先試一塊鵝肉，肉質嫩滑、有嚼頭，滷水味甘香醇厚，絕不搶喉，尤其欣賞師傅片鵝的刀功，能夠做到皮細肉嫩的效果。鵝片下面墊有大豆芽和手掌般大的滷水豆腐，豆腐口感紮實，豆香十足。
接著來一客潮州蠔仔烙 ($78)，平日上潮州菜館食嘅蠔餅，大多數都係炸出嚟，好似薄餅一樣，入口脆卜卜，不過這裡的做法就好唔同，真係煎出嚟嘅。入面嘅蠔仔食落好新鮮，餅底做得一點也不硬實，入口煙韌軟滑，夠乾身之餘又不過份油膩。
本來想點客方魚芥蘭炒牛肉，不過店員說沒有方魚，反而提議我試下沙嗲芥蘭炒牛肉 ($88)。原來所謂沙嗲牛肉，亦即沙茶牛肉，牛肉份量極多，下得非常慷慨，肉質鬆化軟腍，而且炒得鑊氣十足，配上惹味的沙茶醬和爽口翠綠的芥蘭苗，百分百潮汕風味。
壓尾再嚟多客椒鹽九肚魚($88) 作結。九肚魚大大條，十分肥美，面頭灑滿炸至金黃的蒜粒和辣椒碎，上桌時熱辣辣，香噴噴，味道誘人！馬上挾起一條品嘗，九肚魚食落非常香口，外面爽脆，內裡仍能保持魚肉的鮮嫩口感，吃起來一點也不油膩，水準極佳。
輪到甜品時間，餐廳依家做緊每日晚市優惠，3 位以下有鮮百合綠豆爽送，睇過餐牌，如果平日散點嘅話，綠豆爽要收 $22 位，所以千祈唔好錯過。綠豆爽選用咗去皮開邊綠豆，綠豆仁煮得啱啱好，有嚼口，不會過份腍爛，甜而不膩，清熱又消暑。
意猶未盡，決定再加點一份鼠殼粿 ($26/3件)，鼠殼粿是潮汕地區的一種傳統美食，而製作的主要材料就有鼠殼草，芝麻，綠豆等健康養生食材。吃一口，外層嘅芝麻粿皮黏糯煙韌，內裡綠豆蓉餡，食落軟熟香甜，非常美味。聽說店裡的魚蛋、墨丸、牛丸等，全部都是由潮州直接運來，水準不俗，可惜這天只得兩個人，食力有限，還是留待下次再來品嘗。
张贴
