灣悅 賞．中菜

营业中

休息中

收到风旧年「家全七福」部份职员被拉拢往湾仔开设另一高级中菜厅「湾悦赏．中菜」，九月份终于有缘一试。极俱气派嘅餐厅全店舖有厚厚嘅吸音地毯，接待处及走廊通道阔落通爽。围绕内墙嘅酒柜内都系名贵佳酿。不得不提嘅就系洗手间区域除咗全电动及以动态感应操控之外，男女厕均为独立房间，卫生得很！左边嘅用餐大堂午市主要做饮茶散客，夜晚好多时都会间成大小不同嘅独立房间，亦欢迎贵客打通哂黎包厅，最低消费会因应占用嘅面积而定。右手边一列则全为「梗房」。八人派对就系被安排于其中一间内进行。光线充裕嘅私人厢房空间感足，有专人贴身招待，私隐度高，十分舒适。餐桌中央嘅琉璃摆设晶莹剔透，特显豪华高雅嘅气质。开瓶费设于$300/樽标准装红、白、汽酒。桌上摆有齐备嘅自用及公用餐具。菜单早已订好，𩠌菜均由服务生续一分配。前菜先以拼盘呈上。其中一款「桂花脆鳝」小肥唔敢食。卤水醉鲍鱼：预先切好嘅鲍鱼片润甜得黎酒味唔会过火。鸡子戈炸：热辣辣嘅功夫点心外层巧薄带脆，鸡蛋馅心幼嫩软绵，细腻之作！椒盐田鸡腿：田鸡腿望落虽则唔油，但食落就过腍同偏咗少少韧，唔够香脆，甚为失色。大红片皮乳猪：限聚令下一围只可以坐八人，一只乳猪真系冇可能食得哂，