杜老誌大飯店 (已結業)

灣仔友冇人唔識杜老誌大飯店，唔講唔知，原來改名叫火鍋餐廳，灣仔友今日帶我熱辣辣食火鍋，竟然有大驚喜喎！餐廳氣派唔多講，全新餐牌款式多到睇唔晒！牛肉款式多，海鮮選擇多，特色配料花款多！首先我們點了鴛鴦鍋，分別是芫荽皮蛋豆腐湯併大紅袍四川招牌麻辣湯。芫荽皮蛋足料，麻辣湯辣度十足香噴噴。第一次食封門柳，原來牛肉可以咁軟身，越咬越有牛肉味，比新鮮牛柳更加好吃，下次一定要encore！餐廳內有個大魚缸，見到好多海鮮都大隻又新鮮，於是點了海鮮船，睇得又食得！有最矜貴南非鮑魚，原來多毛的鮑魚係最好食，其次就是大過手掌的大虎蝦，新鮮爽口彈牙！白鱔片大件又啖啖肉，這隻超級海鮮船真的包羅萬有！新鮮鴨血好抵食，一碟有八大件，鴨血厚身而且爽QQ，完全吸收麻辣湯汁，咬落極之Juicy，就算滾好耐都不會散開。