加東叻沙蝦麵

約咗朋友係上環食lunch
行咗幾條街睇下有咩好食
都係因為經過見到係食喇沙就入咗去食
.
墨魚肉腐皮春卷喇沙 $70
咖央多士 $25
.
個喇沙湯底顏色幾靚
但入口係奶味偏重
又唔係好飲到係椰奶味
感覺奶嘅份量幾多
辣味有少少🤏🏻
普通人都應該會接受到
湯底味道整體唔差嘅！
墨魚肉腐皮春卷就普普通通
我諗份量有兩整條
令我好意外嘅係
佢嘅麵底係用瀨粉😳
第一次食喇沙係用瀨粉

墨魚肉腐皮春卷喇沙

$70

咖央多士同我想像都有啲出入🤫
因為我以為啲咖央會係薄薄嘅抹醬
啲醬比較膏狀 同埋厚身啲
但味道唔算好濃
夾埋啲牛油會好食好多！

咖央多士

$25