去完參觀濕地公園可以嘆杯咖啡
入面有一張枱係用浴缸做底
重有一隻小鴨係到浸泡泡浴🐤🛁
環境非常舒適，好休閒既呢～
Matcha Latte $45
一開始比佢拉花圖吸引所以就叫左杯試下
今日既拉花圖係斑馬🦓
見到重有其他拉花款，獨角獸，海馬等等，充滿驚喜🤩🤩
飲落去比較粉同偏苦澀，奶味較重
整體嚟講，味道一般但非常適合打卡
慢煮雞胸配牛油果法國黑麥多士 $98
份量大滿足！健康之選👍🏽👍🏽
口感方面，慢煮雞胸切成一片片，食落去就好嫩滑🤤
加埋軟熟牛油果，咬落去一層層，好juicy
配菜加醋調味，愈食愈開胃～
自家制蟹肉蟹籽法國黑麥多士 $98
同樣非常足料！黑麥多士都做到外脆內軟既效果👍🏽👍🏽
用洋蔥炒香左既蟹肉放上面，食落每一啖都充滿蟹肉味
感覺好似意粉配料放係多士上面，好正！🥹🥹
Iced Latte $40
以天水圍一啡難求既地方嚟講
依杯都算係不錯既Latte 😋
飲落去都好順唔太苦
