洛煮意

假日约朋友去旺角睇下戲，但未夠鐘所以同朋去附近一間西式餐廳坐低咗，叫咗服務員過嚟問問，有邊款特色嘢係最多客人點或必食菜服務員推介咗( 忌廉龍蝦番茄闊條麵， 忌廉煙肉意粉， 香烤蜜糖芝士牛肉三文治， 由於太多款小食想試所以就點咗小食拼盤) 點完菜食哂食， 坐下坐下都發覺呢間餐廳嘅裝修都唔錯幾好氣氛啲座位唔算太大但舒服。

香烤蜜糖芝士牛肉三文治， 淨係睇碟嘢嘅賣相都有70分啦， 個麵包有點到蛋黃煎幾香 ，牛肉熟成剛剛好見到粉紅色帶點汁唔太乾，加上蕃茄片一齊食咬落去好matcha。

小食拼盤賣相都幾好， 薯條幾脆口，德國脆皮豬肉腸幾香口， 脆炸流心芝士大燒菇， 啲芝士唔係流心 咁簡單而係爆漿，小心熱 咀，Kayla 秘製燒烤醬炸雞翼，味道剛好唔太鹹嘅加上又夠脆口大人細路都啱食。

忌廉煙肉意粉，煙肉幾香。

忌廉龍蝦番茄闊條麵， 忌廉醬配合龍蝦膏好鮮， 龍蝦肉夠厚夠爽夠彈牙。