陳儀興尚潮樓 (英皇道)

放工同朋友一齊去食飯，因為就朋友放工，就揀咗佢公司樓下嘅潮州菜gathering


鹹菜花甲湯
先嚟咗個頭啖湯先，勁足料，每一啖都係夾雜着鹹香鹹香

之後侍應就介紹我哋食大眼雞飯，我哋喺街市平時都好少見到咁大條嘅大眼雞，啖啖肉，再加上普寧醬增添鹹香味，每啖食落非常有口感

再叫多個頭抽煎英䱽魚，總共有六嚿，啱啱好每人一件，肉質彈牙，頭抽香味香濃，顏色令到人流晒口水，我可以一舊餸一碗飯🤭🤭

嚟到潮州菜館，點可以唔叫返個鵝片嚟食？
喺度嘅鵝片，每一啖都非常鮮嫩，滷水味夠香夠濃！我自己就最鍾意加辣椒油🙂🙂