Chatterbox Café (圍方)

同朋友一直都好想去試呢間新加坡人氣過江龍餐廳ChatterBox Café,環境優雅,闊落,坐得好舒服,我地叫左鐵板蠔餅,文華海南雞飯,斑蘭蛋糕配椰子雪糕,薑蜜玉桂牛奶咖啡.

鐵板蠔餅,蠔仔夠多,不過最正係個蛋餅,好滑,唔乾身,D醬汁好惹味,正!

文華海南雞飯,轉左雞髀,啖啖肉,肉質超嫩滑,又有雞味,仲有黑醬油,薑蓉同酸辣汁,個人特別鐘意佢個黑醬油,雞油飯好香,粒粒飯都好均勻,仲有個湯,好好食,好滿足,果然係必叫之選!

薑蜜玉桂牛奶咖啡,好特別既配搭,好多唔同層次既衝擊,好夾,好好飲!

斑蘭蛋糕配椰子雪糕,斑蘭蛋糕口感鬆軟濕潤,斑蘭既清香好fresh,椰子雪糕,椰子味超濃郁,雪糕幼滑,實在太正啦.