首先叫咗個人蔘雞湯娃娃菜，晚上點都要食啲菜，估唔到人蔘雞湯係勁有人蔘味，材料好豐富！飲落好補咁😋。
跟著熱辣辣嘅香草海鮮薄餅上枱啦，超多芝士同海鮮，餅底好軟身！好少手拉pizza 做得好食，呢款推薦大家必叫🍕。
另外，都叫咗2款小食- 柚子雞翼 同 車打芝士醬牛柳粒，雞翼有好濃濃嘅柚子醬，唔會求其落2買滴hea你👏🏻，雞翼都炸得好香口，唔會太冧太硬，下次嚟都會再叫🍗😋。
而牛柳粒配芝真係唔錯，份量亦唔會太少，性價比高👍🏻。
嘢飲就分別叫咗玫瑰花柚子茶同藍荳花檸檬茶。藍荳花本身無乜味道，但配檸檬唔會太酸😼。而柚子茶都好香，不過要記得攪拌呀，因為啲糖喺晒底到😹！
