百樂小館 (已結業)

相信百樂小館同百樂有少少關係，大家都係做潮洲菜。今次請屋企人食飯，應該冇炸型！有功夫茶飲！滷水鵝肉拼盤除左鵝肉，重有墨魚片、豬腩肉、豆腐同雞蛋，滷水味正常，幾入味。麻醬手撒雞叫多一個頭盤，有我最喜歡既麻醬，雞肉都幾滑。鹹菜豬肚湯潮洲菜既招牌菜式，一定要點喇。味道一如既往都好濃味，豬肚好好食，食完個身暖曬。潮式炸蝦餅蝦餅好薄身，好香口，蝦味有點不足。琥珀龍鬢發財卷好耐冇食過髮菜，呢個真係考功夫，又卷又炸。側邊d蜜糖合桃，又甜又脆，正！和味橙香一字骨估唔到橙同豬可以咁夾，酸酸甜甜，有d似咕嚕肉，不過呢個橙甜出d。半煎煮馬友魚先煎後煮，馬友大條多肉，精華在d汁，好鮮甜，夾埋d蔥一齊食，再加埋下面個飯，冇得頂！蔥蒜牛肉崧煨飯個飯師傅炒到粒粒分明，好有鑊氣，蔥、蛋、蒜、牛肉碎就已經好足夠。花生糖糠湯丸芝麻餡湯丸沾滿花生糖糠，一口完成，完美句號！