潮丸 (已結業)

潮式粉麵食得多，不外乎魚蛋河牛腩麵？「潮丸」就讓我徹底改觀。首先店內裝修已經非一般潮式粉麵店，竟然有點日式拉麵風。自家製辣椒油竟然x3，除左傳統嘅辣椒油，仲有紅燈籠椒同黃燈籠椒醬，我三種都有淺嚐，辣度十足，伴牛丸牛肚都一流。落單方式：自己畫！自家牛三鮮河粉（$55）牛三鮮包括牛腩、牛筋及牛肚，湯底係豬骨及雞骨熬煮，清甜亦不會搶走牛三鮮的主角位置。特級牛丸王河粉（$55）牛丸真材實料，食得出嘅手打彈牙，咬落去有肉汁！生炸雲吞王（$50）炸大大隻雲吞，足料有蝦肉，絕不欺場。