風雲丸 (已結業)

每次經過都見到長長嘅人龍，嚇到我唔夠膽去排！因為真係唔知要等幾耐先可以食到一碗沾麵😵😵😵咁啱放工行咗去灣仔，見到風雲院門口無人排隊，即刻就入咗去試吓我期待已久嘅沾麵！可能九點幾適合嘅人數減退左二話不說即刻坐低睇吓有咩食先呢度最出名嘅主打係沾麵，其次就係拉麵啊！最後我叫左店員推介嘅石鍋濃厚豬骨魚介味玉沾麵！🤤🤤🤤自家製麵有冷麵或溫麵之選擇，我選擇咗前者面積口感會比較彈牙，之後可以揀200/300/400g，統一都係free！只有800g先加$45！大食既就岩哂！而我就揀咗200g!!! 其實女仔200g已經好夠食啦！相當於平時普通拉麵嘅份量！新鮮滾熱辣嘅沾麵送到眼前，眼見石鍋嘅沾麵湯底喺度發滾，立即試一試 首先將一小撮嘅面放入去Jim面湯底然後GAP起進食！冷麵沾滿左湯底，冷麵吸收左好香濃嘅魚介味！食落口非常惹味！ 沾麵上面有好大塊嘅慢煮叉燒！厚度剛剛好食落去口感外脆內軟而且肥瘦分明，食落口唔會好油膩！而且仲有隻大大流心雞蛋，蛋汁之外，仲好重蛋香味！夜晚食完一餐正正野，抱住脹卜卜個肚仔！真係好滿足！