明記海鮮潮州菜館 (祐建樓) (已結業)

日日都落雨完全無心機出街，今晚近近地到屋企附近食晚餐吧！行到鱟地方附近見到間潮州打冷，一於入去試試。飯店位置非常大，坐位闊落而且非常多人。店員先送上潮州小食，配粥食一流鹵水鵝片鹵水味道香濃，鵝片肉質鮮美有咬口。西檸煎軟雞老公最愛的小菜，檸檬味酸酸甜甜，特別開胃，而雞肉鮮嫩多汁，外皮酥脆。白飯魚煎蛋白飯魚非常大條又鮮甜，蛋邊煎到香脆可口，蛋味濃郁。潮州炒麵缐配料有魚片，鮮魷，雞蛋等等，麵線軟淋爽口，味道充滿鮮味，炒得非常有鑊氣。鹵水雜拼而家店家做緊食滿$300送鹵水雜拼，食物款式多，有紅腸，墨魚，大腸，鵝腸等等，款款都夠入味又好吃，而且份量仲好多呢。