✨炸魚仔
未點菜，先上一份炸魚仔小食! 一試呢d 咸香小食，即刻忍唔住叫左2枝藍妹啤一啤佢!
✨滷水拼盤
拼盤既食物包括 鵝片、紅腸、魷魚、豬耳 啱哂唔同口味既朋友 其中鵝片份量亦唔少，滷得頗入味!
✨黃金蝦球
啱啱炸起既蝦球 大大粒 一d 都唔縮水 咸蛋味十足
✨川椒雞
見到牆上掛住呢個菜式 少食潮州菜既我地都唔知係咩黎 係老闆推介下決定一試! 試味後，感覺炒得好入味，小小辣，好有獲氣!
✨椒鹽豆腐
呢份豆腐炸得外脆內軟, 如果調味加重更佳!
✨椒鹽鮮魷
又黎一份椒鹽小菜 但亦相當滿意 口感ok 亦咬得開!
✨蒜蓉炒豆苗
大大碟既豆苗 菜苗嫩口亦冇菜渣
✨沙拉骨
豬排肉質唔錯 醬汁調味亦幾適中
✨蠔餅
雖然呢份蠔餅稍為薄 但相對上更鬆脆 而size 亦好似成塊面咁大! 蠔仔既份量亦頗足夠
下次要到港島既打冷菜館 不妨考慮呢間!
