The Americano By Texas Burger (已結業)

呢座大廈本身都有好多好嘢食，但由於撞正食飯時段，好多餐廳都冇曬位，見到呢度有位就入咗嚟食，午市餐單有唔同選擇，有飯，有意粉，有沙律，我今日就揀咗漢堡包嚟食。不過見到價錢相比起其他同區餐廳都算係比較中上嘅價錢。 漢堡包份量都好大，漢堡包嘅牛肉感受到係好新鮮製作，而且啲肉色唔係冷藏肉嘅黑黑實實嘅顏色，而且配埋薯條一個人食就點都夠曬飽，而且餐亦都包湯或者沙律，我認為沙律醋同蔬菜好夾，另外都可以配嘢飲。餐廳都好貼心，喺女厠入面亦都放置咗一啲衛生用品，有需要嘅女生用應付燃眉之需。