真係要好好記住醉辣鮮新地址是「天空之城」丫，因為我地懶醒咁去左舊地址，好彩自己揸車都好快到達。餐廳外泊車位都算充足，揸車來係一個好選擇。
我地三大一細，叫左三個餐，分別有$268、$198套餐。套餐先有老火湯同溫泉蛋，而$268套餐有龍蝦半隻蟹、生蠔、鮑魚、元貝、海中蝦、沙白、蜆、雞件等，$198都有鮑魚、元貝、海中蝦、沙白、蜆、雞件等，當晚無左蟶子，所以侍應轉左瀨尿蝦我地。可以親手去夾龍蝦、揀生蠔、鮑魚真係好開心，見到佢地是鮮活的，感覺都唔同d~正。座位側邊已經貼左張「品嘗海鮮最佳時間」，我地照跟就得，好方便。
我最中意就是蔬菜任食，蕃薯、菇類、粟米、翠肉瓜、茄子、娃娃菜、唐生菜等，都係好新鮮，個人超喜歡。當然，個海皇粥底仍然係不得了，鮮甜到呢～因為佢仲會送埋甜品，所以我地最後食唔曬d粥，當然要打包拿走。好滿足的一餐。
