越之味 (德民街) (已結業)

閒逛發現一間平時唔起眼嘅小店，由於附近一般都係日式餐廳﹑拉麵或者小食居多，越式菜可以係一個輕食下午茶選擇。小店地方細，只是一個吧枱形式，如果有小朋友或者一大伙人就唔太合適。小店有提供外賣，當時亦有客人買即做法包自取。雖然是法包專門店，眼見餐牌上法包同越式生牛肉(巴西)湯河二選一，最後決定選擇後者。生牛肉都幾多，而且一半仲好紅好生，喺我最喜愛的生熟程度時候就先食哂～牛肉冇雪味，薄薄幾片滿足了口感。湯河幾爽口，配上炸蒜片同海量香草，湯底幾清，食完都冇口乾，估計無味精! $48的話屬於唔錯嘅選擇! 下次光臨會試試法包~