影片
更多
2018-04-22
349 浏览
店舖位處尖沙咀The One 旁，幾方便。星期日午市放題由12點至3點(最後點餐時間為2:30，可食到3點)。今次坐卡位，感覺不迫。進場後第一時間拿出點餐紙 (就像考公開試時，監考員說 "現在開考，可以打開試卷" 的那一刻)。先點了飲品 (這裏並非自己去雪櫃取，而是要像點食物一樣落柯打的) - 道地樽裝綠茶簥麥茶、罐裝粒粒菠蘿汁、熱清酒。由於魚生頗寒涼，所以揾啲酒暖吓身。職員都有禮貌，接柯打幾快，出送菜速度都OK。刺生之中，帶子最好食，甜美; 池魚王口感較爽; 油甘魚，如其名，油脂較重; 蝦和貝類都幾好; 長蟹腳，肉質同鮮味都不及酒店自助餐。海胆軍艦正; 軟殼蟹手卷，蟹嘅份量冇欺場，但飯較多，有啲飽; 反而炙燒壽司細細粒，可以留啲空間食其他嘢。中途飲咗個熱湯，有啲霸王花、排骨同魷魚，暖暖甜甜，個胃幾舒服。至於串燒，菠蘿好食，酸甜多汁，可幫助消化; 䕕魚肥美; 蝦、牛舌、秋葵同小蕃薯都OK。烤味醂魚干，香甜又有咬口，餸清酒啱哂。炸榴槤好食，果肉濃香如芝士; 炸鮮奶可以。咖喱蟹令人失望，除咗隻拑，冇乜肉食。雪糕有Movenpick同Haagen-Dazs，後者有期間限定-櫻花口味，只限一人
星期日午市放題由12點至3點(最後點餐時間為2:30，可食到3點)。
今次坐卡位，感覺不迫。
進場後第一時間拿出點餐紙 (就像考公開試時，監考員說 "現在開考，可以打開試卷" 的那一刻)。
先點了飲品 (這裏並非自己去雪櫃取，而是要像點食物一樣落柯打的) - 道地樽裝綠茶簥麥茶、罐裝粒粒菠蘿汁、熱清酒。由於魚生頗寒涼，所以揾啲酒暖吓身。
職員都有禮貌，接柯打幾快，出送菜速度都OK。
刺生之中，帶子最好食，甜美; 池魚王口感較爽; 油甘魚，如其名，油脂較重; 蝦和貝類都幾好; 長蟹腳，肉質同鮮味都不及酒店自助餐。
海胆軍艦正; 軟殼蟹手卷，蟹嘅份量冇欺場，但飯較多，有啲飽; 反而炙燒壽司細細粒，可以留啲空間食其他嘢。
中途飲咗個熱湯，有啲霸王花、排骨同魷魚，暖暖甜甜，個胃幾舒服。
至於串燒，菠蘿好食，酸甜多汁，可幫助消化; 䕕魚肥美; 蝦、牛舌、秋葵同小蕃薯都OK。
烤味醂魚干，香甜又有咬口，餸清酒啱哂。
炸榴槤好食，果肉濃香如芝士; 炸鮮奶可以。
咖喱蟹令人失望，除咗隻拑，冇乜肉食。
雪糕有Movenpick同Haagen-Dazs，後者有期間限定-櫻花口味，只限一人一杯，不過話說回來，都已經很飽了，大滿足。
张贴
